सिमकोट । घाँस काट्ने क्रममा भालुको आक्रमणबाट एक जना महिला घाईते भएकि छन् ।

जिल्लाको खार्पुनाथ गाउँपालिका वडा नम्बर ४ मा भालुको आक्रमणबाट एक महिला गम्भिर घाईते भएकि हुन् । घाइते हुनेमा वडा नम्बर ४ छिप्रा गाउँका ३६ बर्षिय असली उपाध्याय रहेको जिल्ला अस्पताल हुम्लाका सिनियर अनमी सरिता बोहराले जानकारी दिईन् ।

घर नजिकै रहेको वनमा घाँस काट्न गएको समयमा ३६ बर्षीय महिलालाई आइतबार अपरान्ह साढे १ बजेको समयमा भालुले आक्रमण गरेर घाइते बनाएको हो । भालुको आक्रमणबाट उपाध्यायको टाउँको र हातमा गहिरो चोट लागेको सिनियर अनमी बोहराले बताईन् ।

भालुको आक्रमण बाट घाइते भएका महिलाको गाउँमा रहेको स्वास्थ्यचौकीमा उपचार हुन नसेकेपछि थप उपचारका लागि जिल्ला अस्पताल हुम्लामा ल्याइएको हो । घाइते महिलाको टाउँमा टाका लगाइएको छ ।