सिमकोट । नेपाल कम्युनिष्ट पार्टी एमालेको सिमकोट गाउँकमिटिको प्रथम पालिका अधिवेशन सम्पन्न भएको छ । गाउँ कमिटिको अध्यक्ष पदमा सहमतिका आधारमा चीन रावत निर्वाचित भएका हुन् ।

सिमकोट गाउँपालिकाको गाउँ कमिटि गठन गरिएको छ । आज भएको गाउँकमिटिको अधिवेसनबाट अध्यक्षको पदमा चीन रावत, उपाध्यक्षमा प्रतिमा लामा, सचिवमा तिर्थराज भण्डारी र उपसचिवमा कालि बहादुर सुनार र मनसुर बुढा सहमतिमै चयन भएको निर्वाचन मण्डलका संयोजक हिर बोहराले बताए ।
उक्त नव निर्वाचित पदाधिकारीलाई आजै निर्वाचन मण्डलका संयोजक बोहराले सफत ग्रहण गर्नु भएको छ ।

पालिका कमिटिका अध्यक्ष डवल रावतको अध्यक्षता र नेकपा एमालेका जिल्ला अध्यक्ष दल रावलको प्रमुख आतिथ्यमा अधिवेसन कार्यक्रम सम्पन्न भएको हो ।

जिल्ला अध्यक्ष रावलले विगतमा नेकपा एमालेमा जे जति समस्या भए पनि अव नेकपा एमालेलाई देशकै एक नम्वर पार्टि बनाउन सकिने बताए । केही कारणबस यस अघि मात्रै एकिकृत समाजबादी पार्टिमा गएका कार्यकर्तादेखि लिएर नेता समेत नेकपा एमालेमा पुर्ण रुपमा फर्किने भएको बताए ।

देशमा ठूला ठूला सडक राजमार्गहरु एमालकै सरकारमा सम्पन्न भएका छन् । व्यक्ति पर्धान नभएर पार्टी पर्धान भएको अध्यक्ष रावलको भनाई छ । जस्का कारण सिंगो देशले व्यक्तिलाई नरोजि पार्टीको नाम र चिन्हलाई रोजेका हुन् ।

त्यस्तै नेकपा एमाले सरकाबाट बाहिर जानु पर्दा खाद्यन्न, शिक्षा र स्वास्थयको समस्या भएको प्रष्ट देखिएको रावलले बताए । हुम्लाका सातवटा गाउँपालिका र ४४ वटा वडा कमिटिका निर्वाचित पदाधिकारीलाई अध्यक्ष रावलले शुभकामना दिनु भएको छ ।

यस्तै खार्पुनाथ गाउँपालिका वडा नम्बर चारको वडाध्यक्षमा बलिराज रोकायाको अध्यक्षतामा ३३ सदस्यीय वडा कमिटी गठन गरिएको जानकारी प्राप्त भएको छ ।