आयुर्वेद तथा योग शिविरमा ८८७ विरामीको उपचार

नेपालचेक समाचारदाता शनिबार, चैत्र ०५, २०७८

सिमकोट । आयुर्वेद स्वास्थ्य केन्द्र सिमकोट हुम्लाले आयोजना गरेको आयुर्वेद तथा योग शिविरमा ८८७ जना विरामीले उपचार सेवा लिएका छन् । जिल्ला खार्पुनाथ गाउँपालिका–२ थाली र ३ रायामा सञ्चालन गरिएको आयुर्वेद तथा योग शिविर अभियानबाट यहाँका नागरीकले गाउँघरमै निःशुल्क सेवा पाएका हुन् ।

थाली र राया गाउँका विरामीलाई निःशुल्क स्वास्थ्य परिक्षण गरि आयुर्वेद ओैषधिहरू वितरण गरिएको कार्यालय प्रमुख कृष्ण चन्द्र जोशीले बताए । आयुर्वेद स्वास्थ्य केन्द्र सिमकोट हुम्लाले जिल्लाका विभिन्न पालिकामा रहेका वस्तिहरुमा निःशुल्क घुम्ति तथा गाउँघर शिविर सञ्चालन गर्दै आएको छ ।

वडा–३ रायामा सञ्चालीत आयुर्वेद तथा योग शिविरमा ४ सय २७ जना विरामीले आयुर्वेद सेवा तथा उपचार गराएका हुन भने महिला २७२ जना र पुरुष १५५ रहेको प्रमुख जोशीले बताए । यस्तै वडा–२ थालीमा सञ्चालन भएको आयुर्वेद तथा निःशुल्क स्वास्थ्य परीक्षणमा ४६० जनाले सेवा लिएका छन् भने उनिहरुलाई औषधि वितरण समेत गरिएको छ । वडा–२ थालीमा महिला २५७ जना र पुरुष २०३ जनाले सेवा लिएको जानकारी प्राप्त भएको छ । त्यस्तै वडा–२,३ मा सञ्चालन भएको शिविरबाट १ वर्षदेखि १५ वर्ष उमेर समुहका बालक १२३, बालिका १२८, १६ देखि ५९ वर्षसम्मका पुरुष १८७, महिला ३४१ रहेका जानकारी प्राप्त भएको छ । ६० वर्ष माथिका पुरुष ४८, महिला ६० जजा महिलाले सेवा लिएका हुन् । यि सबै गरेर ८८७ जनाले सेवा लिएको आयुर्वेद स्वास्थ्य केन्द्र सिमकोट हुम्लाले बताएको छ ।

उक्त शिविरमा प्रकारका विरामको उपचार गरीएको थियो । जसमा वातव्याथी, दम, रुघाखोकी, अम्लपित्त,श्वेतप्रदर,रक्तप्रदर,बालरोग,स्तनपायी अमा, जेष्ठनागरीकलाई रसायल औषधि वितरण,ज्वरो,उच्च रक्तचाप, अर्श,चर्मरोग, दन्तरोग, र मुखरोग सम्बन्धि उपचार गरिएको हो ।

 

 

सूचना विभाग दर्ता नं. २६०६/०७७–७८

प्रकाशक
श्री जनमैत्री कृषि सहकारी संस्था लिमीटेड
सिमकोट ५ , हुम्ला

टिमहरु

प्रबन्ध निर्देशक : शुरेस परियार
सह-सम्पादक : दाने बोहरा

सम्पर्क

nepalchek.com
tel: 087680086
mobile no : 9851104721/9867145435
[email protected]
[email protected]
[email protected]