सिमकोट । हुम्लाको सिमकोट गाउँपालिका –४ बुराउँसेमा एक पुरुष मृत फेला परेका छन् । बुराउँसे गाउँ नजिक बाटोमा अन्दाजी २९ वर्षीय पुरुषको शव फेला परेको प्रहरी जानकारी दिएको छ ।

सर्केगाड गाउँपालिका – ८ राहदेउ घर भएका लालसिंह सुनार सिमकोट गाउँपालिका –४ बुराउँसेमा मृत अवस्थामा भेटिएको जिल्ला प्रहरी कार्यालय हुम्लाका प्रहरी नायव उपरीक्ष कृष्ण ओझाले जानकारी दिए ।

बुराउँसेमा नातेदार आफन्त बसोबास गर्दै आएको र उनिहरुलाई भेट्नको लागि गएको भन्ने बुझिन आएको छ । मृतक सुनार सधै बुराउँसेमा आफन्त भेट्न गइरहने गरेको र आज विहान गाउँ नजिकको बाटोमा मृत अवस्थामा भेटिएका हुन् । मङ्गलबार विहान सुनारको मृत्युभएको भएको खबर प्रहरीलाई पुग्न साथ जिल्ला प्रहरी कार्यालयबाट प्रहरी त्यस तर्फ गएको बताइएको छ ।

सुनारको मृत्युको कारण खुल्न नसकेको र घट्नाबारे अनुसन्धान भइरहेको प्रहरी प्रमुख ओझाले बताए ।