नेपालचेक समाचारदाता शुक्रबार, चैत्र १७, २०७९
सिमकोट । आजबाट देशभर सहित हिमाली जिल्ला हुम्लामा सुरु भएको माध्यामिक शिक्षा परिक्षा एसइईमा एक हजार २ सय ३४ जना विद्यार्थी सहभागी हुने भएका छन् । अहिले विहान ८ वजेबाट सुरु हुने उक्त एसइई परिक्षाको सम्पुर्ण तयारी कार्य पुरा हुनुका साथै हुम्लाबाट १ हजार २ सय ३४ जना परिक्षार्थीहरू एसइई परिक्षामा सामेल हुने भएका छन् ।
हुम्ला जिल्लामा ६ वटा परिक्षा केन्द्र रहेका छन् भने ती सबै परिक्षा केन्द्रबाट १ हजार २ सय ३४ जना परिक्षार्थीहरु मध्ये ५ सय ७४ छात्रा र ६ सय ६० जना छात्रले परिक्षा दिन पाउने भएको शिक्षा विकास तथा समन्वय इकाईका सूचना अधिकारी भिमराज कार्कीले बताउनुभयो ।
जसमा बालमन्दिर मावि परिक्षा केन्द्रमा २ सय ५६, मानसरोवर माविमा २ सय ८०, हिमज्योति मावि सर्केगाडमा २ सय ५३, सुर्यदय मावि श्रीसनगरमा १ सय ५७, मदानादेव मावि पाँदा ताँजाकोटमा २ सय ४० र कोट मावि रोडिकोटमा १ सय ४८ जना विद्यार्थीहरुले परिक्षा दिंन लागेको सूचना अधिकारी कार्कीको भनाई छ ।
त्यसै गरि बालमन्दिर मावि परिक्षा केन्द्रमा कैलाश रोकाया, मानसरोवर माविमा अमर बहादुर शाही, हिमज्योति मावि सर्केगाडमा जय बहादुर धामी, सुर्यदय मावि श्रीसनगरमा सुरविर शाही, मदानादेव मावि पाँदा ताँजाकोटमा धनसिंह बोहरा र कोट मावि रोडिकोटमा मुमलाल आचार्यले केन्द्राध्यक्षको जिममा पाएका हुन् ।
