सिमकोट । जिल्लाको मध्ये भेगमा रहेको सर्केगाड गाउँपालिकाको सर्केगाडमा आयोजित जिल्ला अधिवेशनबाट माओवादी केन्द्रको युवा संगठन वाइसिएलको नयाँ कार्य कमिटि गठन गरिएको हो । मिबहादुर रोकायाको संयोजकत्वमा ७१ सदस्यीय वाइसिएल जिल्ला कमिटि गठन गरिएको छ ।

सिंह थापाको अध्यक्षतामा सम्पन्न भएकोे जिल्ला अधिवेशनले दर्ज लामालाई सचिवमा निर्विरोध निर्वाचित गरेको वाइसिएलका नवनिर्वाचित जिल्ला संयोजक मिबहादुर रोकायाले जानकारी दिनभुयो ।

माअ‍ोवादीका पूर्व जनमुक्ती सेना, युवा संगठनमा आवद्ध जिल्लाभरका प्रतिनिधिहरु सम्मीलित जिल्ला अधिवेशनले निर्विरोध रुपमा नयाँ नेतृत्व छनोट गरेको माओवादी केन्द्र सर्केगाड गाउँपालिकाका अध्यक्ष छवि थापाले जानकारी दिनुभयो । उनका अनुसार सर्केगाड गाउँपालिकाका पुर्व अध्यक्ष तथा माओवादी केन्द्रका प्रदेश कमिटी सदस्य कृष्ण रोकायाको प्रमुख आतित्थ्यतामा सम्पन्न भएको अधिवेशनले हरेक वडामा एक जना जिल्ला कमिटी सदस्य पर्ने गरेर नयाँ कमिटी निर्माण गरिएको हो ।

यसैगरी अखिल नेपाल महिला संघ क्रान्तिकारीको खार्पुनाथ गाउँ कमिटी गठन भएको छ ।खार्पुनाथमा बिहिबार भएको पालिका अधिवेशनले वर्षा वुमीको संयोजकत्वमा ३१ सदस्यीय पालिका कमिटि गठन भएको अनेम संघ क्रान्तिकारीका जिल्ला संयोजक कुशुम कार्कीले जानकारी दिनुभएको छ ।

माओवादी वैकल्पीक केन्द्रीय सदस्य तथा अखिल नेपाल महिला संघ क्रान्तिकारीका केन्द्रीय सदस्य सुस्मीता शाहीको प्रमुख आतित्थ्यतामा सम्पन्न अधिवेशनले उक्त कमिटि गठन गरेको हो ।