हुम्ला । माथिबाट आएको ढुङ्गा लागेर च्याछहरामा एक जनाको मृत्यु भएको छ । नाम्खा गाउँपालिका वडा नम्बर ३ को च्याछहरा क्षेत्रमा जेसिबिले सडक बिस्तार गर्ने क्रममा खसेको ढुङ्गा लागेर सिमकोट गाउँपालिका वडा नम्वर चागानफयाका अन्दाजी ३६ वर्षीय बागमल शाहीको निधन भएको हो ।

आइतबार विहान गाउँबाट उत्तरी क्षेत्रको नाम्खा गाउँपालिका वडा नम्वर ५ को हिल्सा बजार तर्फ जाने क्रममा शाहीको ढुंगा लागेर मृयु भएको जिल्ला प्रहरी कार्यलय हुम्लाका प्रहरी नायव उपरिक्षक भिमलाल भट्टराइले जानकारी दिनु भएको छ ।

बाटोमा हिड्ने बटुवाको कुनै पनि वास्ता नगरि हिल्सा सिमकोट सडक खण्डको च्याछहरामा जेसिबिले सडकको बिस्तार कार्य गरिरहेको बेला विहान ९ बजे माथिबाट ढुंगा खसाल्दा शाहीको मृत्यु भएको हो । मृतक शाहीसंग अन्य दुई जना शाथीहरु पनि रहेका थिए । तर उनिहरुलाई भने कुनै चोटपटक नलागेको खवर प्राप्त भएको छ ।

मृतक लाशको पोष्ट मार्टम गर्नका लागि जिल्ला प्रहरी कार्यालय हुम्लाका प्रहरी निरिक्षक राजन भटराइको टोली घटना स्थलमा पुगेर शवलाई सदरमुकाम सिमकोट तर्फ ल्याइदै गरिएको बताइएको छ । घटनाको थप अनुसन्धान हुने प्रहरीले जनाएको छ ।