हुम्लाको सदरमुकाम सिमकोटमा बोलेर जीप दुर्घटना भएको छ । आइतबार बिहान ११ बजे सदरमुकाम सिमकोटबाट सिमकोट गाउँपालिका-२ ठेहे जादै गरेको गाडी दुर्घटना भएको हो । बा २१ च ७३५३ नम्बरको बोलेरो जीप दुर्घटना भएको हो । दुर्घटनामा परि घाइतेको उद्वार गरि अहिले जिल्ला अस्पताल हुम्लामा उपचार भइरहेको जिल्लाका अनमी सरिता बोहराले बताउनुभयो । घाइते हुनेमा सिमकोट गाउँपालिका-२ का वडाध्यक्ष देवजङ बोहरा, सोही पालिकाका वडा नम्बर ३ का वडा पामा लामा, धुर्ब बहादुर शाही, मालती भण्डारी, योजना ऐडी, मुटुब लामा, बास बहादुर भण्डारी, गाडी चालक, बच्चा सन्देश भण्डारी सहित नौ जना शक्त घाइते भएका हुन् । जिल्ला अस्पतालमा उपाचार हुन नसक्ने घाइतेहरुको थप उपचारका लागि जिल्ला बाहिर लिनका लागि हेलिकप्टरको तयारी भइरहेको गाउँपालिका अध्यक्ष विजय भण्डारीले बताउनुभयो ।