सिमकोट । चार दिनदेखि बेपत्तता भएका एक जना पुरुष मृत अवस्थामा फेला परेका छन् । सर्केगाड गाउँपालिका–६ बराई गाउँका अन्दाजी ४५ वर्षिय गोर्ख बुढाथोकी हराएको चार दिनपछि मृत अवस्थामा फेला परेको आफन्त भक्तराज ऐडीले बताउनुभयो ।

पुस १६ गते बेलुका बाख्रालाई गोठमा भित्राउन गाउँ नजिकैको खर्कमा गएका बुढाथोकी हराएको चार दिनपछि मृत फेला परेका हुन् । गाउँ नजिकैको अल्का ढुस्काको भिरबाट खसेर मृत्यु भएको अवस्थामा भेटिएको स्थानीयवासी जीवन ऐडीले बताउनुभयो ।

मृतक बुढाथोकी नेपाल कम्युनिष्ट पार्टीका जिल्ला कमिटी सदस्य । हिन्दु परम्परा अनुसार मृतक बुढाथोकीको अन्तिम दाह संस्कार गरीएको ऐडीले बताउनुभयो ।