सिमकोट । हुम्लाको दक्षिण भेगमा रहेको अदानचुली गाउँपालिकामा गाडी दुर्घटना हुँदा दुई जना यात्रुको मृत्युभएको छ । वडा नम्बर ४ मा रहेको पाम्सको मोडमा गाडी दुर्घटना हुँदा दुई जनाको मृत्युभएको छ । भने पाँच जना यात्रु घाइते भएको जिल्ला प्रहरी कार्यालय हुम्लाका प्रहरी नायव उपरिक्षक रविन्द्र खनालले बताउनुभयो । सु प ०१००१ को गाडी शनिबार दिउँसो पाम्सको मोडमा दुर्घटना भएको हो । अहिले दुर्घटनामा परेका मृतक र घाइतेको उद्धार भइरहेको प्रहरी नायव उपरिक्षक खनालले बताउनुभयो । मृतक र घाइतेको उद्धार कार्य भइरहेकाले नाम,उमेरको पहिचान खुल्न नसकेको हो । स्वास्थयचौकीमा पुर्याएपछि पहिचान खुल्ने भएको उहाँले बताउनुभयो । उद्धार भइरहेकाले आफुसँग आइ नपुगेको बताउनुभयो । दुर्घटनामा परेको गाडी त्यहाँकै स्थानीय धनमल महताराको रहेको छ ।