सिमकोट । जिल्ला अस्पताल हुम्लामा आर्थिक वर्ष २०८०।०८१ मा अति जटिल समस्या भएका ११ जना गर्भवती सुत्केरी महिलाको अप्रेशन गर्न सफल भएको बताइएको छ ।

जिल्ला अस्पताल हुम्लाका सिनियर अनमी सरिता बोहराका अनुसार, यो आर्थिक वर्षमा जिल्ला अस्पताल हुम्लाले विभिन्न जटिल केश सुत्केरी हुन नसकेका ११ जना महिलाको शल्याक्रिया मार्फत सुत्केरी गराउन सफल भएको बताउनुभयो । जिल्ला अस्पतालमा भर्ना भइ बच्चाको खुट्टा, हात, टाउको लगायतका शरिरका अंग अड्किएर जिल्ला बाहिर रिफर हुने केशलाई जिल्ला अस्पताल हुम्लाले सफल शल्याक्रिया गराएर ज्यान बचाएको अनमी बोहराले बताउनुभयो ।

यस्तै (सामान्य जटिल) समस्या भएका ३८ जना महिला जिल्ला अस्पतालमा सुत्केरी भएको उहाँले बताउनुभयो । जिल्लाका विभिन्न गाउँपालिकामा रहेका एक सय, अठ्ठचालीस जना महिलालाई जिल्ला अस्पताल हुम्लामा यो आर्थिक वर्षमा सुत्केरी भएको सिनियर अनमी बोहराले बताउनुभयो ।

विशेषज्ञ डाक्टर हुम्लामै भएका कारण जिल्ला बाहिर लिुन पर्ने केश पनि अस्पतालले सहज रुपमा समाधान गरेको जानकारी प्राप्त भएको छ । आर्थिक वर्ष २०८०।०८१ को असारदेखि २०८१।०८२ को असारसम्म एक सय अठ्ठचालीस जना महिला जिल्ला अस्पताल हुम्लामा सुत्केरी भएको उहाँले बताउनुभयो । जिल्ला अस्पतालमा भर्ना भएपछि उनिहरुको अप्रेशनमा विभिन्न समयमा डाक्टर कैलाश लामा, रोशन रावत, हिम विक्रम शाही, खरास्थी प्रजापति लगायतका चिकित्सक सहितका स्वास्थ्यकर्मी खटिएको जानकारी प्राप्त भएको छ ।