सिमकोट । नेपाली कांग्रेसको भातृ संगठन नेपाल दलित संघ हुम्लाले आजदेखि जिल्लाभर आफ्नो संगठन सुदृढीकरण अभिायन थालेको छ । नेपाली कांग्रेसमा आवद्ध जिल्लाभरका दलितहरुको संगठन नेपाल दलित संघलाई थप सुदृढ र शसक्त बनाउनका लागि आजदेखि उक्त संगठन सृदृढिकरण अभियान सञ्चालन भएको कांग्रेस हुम्लाले बताएको छ ।

नेपाल दलित संघ हुम्लाको संगठन सुदृढिकरण अभियान निर्वाचन क्षेत्र नम्बर (१) एक बाट हुने भएको जिल्ला पार्टी उपसभापती बसन्त रोकायाले बताउनुभयो । निर्वाचन क्षेत्र नम्बर (क) मा नेपाल दलित संघ हुम्लाका सचिव मेगराज परियारको नेतृत्वमा संगठन सुदृढीकरणका लागि खटाइएको उपसभापति रोकायाले बताउनुभयो । उनिहरुले दक्षिण भेगमा रहेका चारवटा गाउँपालिकामा आफ्नो संगठन सुदृढीकरण अभियान सम्पन्न गरे पश्चात निर्वाचन क्षेत्र नम्बर (ख) माथिल्लो भेगमा रहेका सिमकोट,नाम्खा र खार्पुनाथ गाउँपालिकामा उक्त अभियान सञ्चालन गर्ने भएका छन् ।

नेपाल दलित संघ हुम्लाका अध्यक्ष जिल्ला बाहिर भएका कारण सचिव परियारको नेतृत्वमा दलित संघको टोलीलाई बिहिबार खटाउनुका साथै जिल्ला पार्टीले आवश्यक निदेर्शन समेत दिएको बताइएको छ । वि.पि चिन्तन प्रतिष्ठानमा विहिबार बिहान उनिहरुलाई नेपाली कांग्रेस जिल्ला कार्यसमिति हुम्लाका उपसभापति रोकाया, उपसभापति कैलाश भण्डारी, कृष्ण बोहरा लगायतले आवश्यक निदेर्शन दिएको जानकारी प्राप्त भएको छ ।

उक्त संगठनले सातवटै स्थानीय तहमा पुगेर आफ्नो संगठनमा स्थानीयहरुको समस्या पहिचान गरी टिपोट गरिएनुका साथै समस्याहरु सम्बन्धित निकायमा पुर्याइने समेत सचिव परियारले बताउनुभयो ।