सिमकोट । जिल्ला विपद व्यवस्थापन समितिका संयोजक तथा प्रमुख जिल्ला अधिकारी नारायण पाण्डेयको अध्यक्षतामा शुक्रबार बसेको बैठकले हुम्लामा पनि माघ २ गते २७ औँ भूकम्प सुरक्षा दिवस मनाइने भएको छ ।

जिल्लामा समय समयमा आइरहने भूकम्पको जोखिमबाट जिल्लावासी तथा जिल्लामा निर्मित संरचनालाई जोगाउनका लागि भूकम्पले सिकाएको पाठ बलियो संरचना र सुदृढ पूर्वतयारीका साथ, भन्ने नाराका साथ माघ दुई गते उक्त दिवस मनाइने भएको जानकारी प्राप्त भएको छ । जिल्ला प्रशासनमा शुक्रबार विभिन्न सरोकारवाला निकाय उपस्थितमा बसेको बैठकले विभिन्न निर्णय समेत गरेको छ । माघ २ गते व्यानार र प्लेकार्ड सहित विहान ११ बजे जिल्लास्थित सबै कार्यालय, संघ संस्थाका प्रमुखहरुको सहभागीतामा सिमकोटमा बजारमा प्रभातफेरी गरिने निर्णय भएको प्रमुख जिल्ला अधिकारी पाण्डेयले बताउनुभयो ।

यस्तै जिल्ला प्रशासन कार्यालयबाट सुरु हुने प्रभातफेरि कार्याक्रमको संयोजक पूर्वधार विकास कार्यालयले गर्ने भएको जिल्ला प्रशासनका लोकेन्द्र शाहीले बताउनुभयो । त्यसैगरी माघ २ मा नेपाली सेना, नेपाल प्रहरी, सशस्त्र प्रहरी बल नेपाल, स्वास्थ्य सेवा कार्यालय, नेपाल पत्रकार महासंघ, नेपाल रेडक्रश सोसाइटी, गैरसरकारी संस्था महासंघ, निर्माण व्यवसायी महासंघ लगायतका कार्यालय एवम् विभिन्न संघ संस्थाको संयुक्त सहभागीतामा भूकम्पमा आधारित कृतिम घटना अभ्यास (कष्mगबितष्यल) गर्ने, २७ औँ भूकम्प सुरक्षा दिवस २०८१ को लागि तय गरिएको नारामा केन्द्रित रहेर सिमकोटमा प्रकाशीत सञ्चालीत पत्रपत्रिका, रेडियोहरुले खानेपानी, सिचाइ तथा उर्जा विकास कार्यालयसँग समन्वय गरी माग महिनाभरी भूकम्प सुरक्षा सम्बन्धि विभिन्न सन्देशहरु प्रचारप्रसार गर्ने निर्णय भएको शाहीले बताउनुभयो ।

२७ औँ भूकम्प सुरक्षा दिवस २०८१ को लागि तय गरिएको नामा केन्द्रित रहेर सिमकोटमा सञ्चाली रेडियोहरुले सामाजिक विकास कार्यालयसँग समन्वय गरी माघ २ मा रेडियोपरि सम्वाद अन्तरक्रिया कार्यक्रम सञ्चालन गर्ने, जिल्लाका सातवटै स्थानीय तहरुसँग समन्वय गरेर भूकम्पको जोखिमबाट मानवीय तथा भौतिक संरचना बचाउन स्थानीय तहमा तालिम, कार्यक्रम सञ्चालन गर्ने, तालिम कार्यक्रमका लागि जिल्लास्थित सुरक्षा निकाय र नेपाल रेडक्रश सोसाइटी एवम् अन्य सरोकारवाला संघसंस्थाले विज्ञको व्यवस्थ ागर्ने गराउने निर्णय भएको जानकारी प्राप्त भएको छ ।

आजै भएको उक्त बैटकमा प्रतिकसिंह राठौर सेनानी, बराहदल गुल्म रानीवन ब्यारेक, राजकुमार न्यौपाने अनुसन्धान अधिकृत प्रमुख, सरोज कडेँल प्रहरी निरीक्षक, टिकाराम थापा सशस्त्र प्रहरी नायव निरीक्षक, हर्कबहादुर बस्नेत सामाजिक विकास कार्यालयका प्रमुख लगायत सञ्चारकर्मीको उपस्थित रहेको थियो ।