सिमकोट । नेपाल कम्युनिष्ट पार्टी (नेकपा एमाले) हुम्ला जिल्ला कमिटिको बैठक माघ १४ गते बस्ने भएको छ । सदरमुकाम सिमकोटमा पार्टीको पाँचौ पूर्ण बैठक बस्न लागेको एमाले जिल्ला पार्टी सचिव तीर्थराज बोहराले बताउनुभयो । बैठकमा संगठन निर्मार्ण लगायतका विभिन्न विषयमा छलफल हुने भएको बताइएको छ ।

गएको पुष २१ र २२ गते बसेको केन्द्रीय कमिटिको बैठकले ३ महिने वडा केन्द्रीत अभियान सञ्चालन गर्ने निर्णय गरेसँगै जिल्ला कमिटि हुम्लाको बैठक बस्न लागेको जिल्ला कमिटि सचिव बोहराले जानकारी दिनुभयो । यही माघ ५ गते बसेको कर्णाली प्रदेश कमिटिको बैठकले पनि केन्द्रीय कमिटिले गरेको निर्णय अनुसार वडा केन्द्रीत अभियान सञ्चालन गर्ने निर्णय गरेसँगै १४ गते बैठक बस्न लागेको पाटी सचिब बोहोराले बताउनुभयो ।

उक्त बैठकमा जिल्लाबाट प्रतिनिधित्व गर्ने प्रदेश कमिटिका सदस्यहरु सबै, सम्पुर्ण जिल्ला कमिटिका सदस्यहरु र सातवटै गाउँ कमिटिका अध्यक्षहरुलाई अनिर्वाय उपस्थित हुन सचिव बोहराले आग्रह गर्नुभएको छ ।