सिमकोट । नेपाल कम्युनिष्ट पार्टी (एकीकृत समाजवादी) को भातृ संगठन अखिल नेपाल महिला संघ (समाजवादी) को भेला तथा प्रशिक्षण कार्यक्रम जिल्लाको अदानचुली गाउँपालिकामा बुधबार सम्पन्न भएको छ ।

अखिल नेपाल महिला संघ (समावजादी) अदानचुली गाउँ कमिटीकी अध्यक्ष कल्सरी भियालको अध्यक्षतामा र नेकपा समाजवादी पोलीटव्युरो सदस्य हस्त बहादुर शाहीको प्रमुख आथित्यमा तथा प्रदेश कमिटी सचिवालय सदस्य कमल छत्यालको विशेष आथित्यतामा बुधबार उक्त बैठक सम्पन्न भएको हो ।

बुधबार भएको अखिल महिला संघ (समाजवादी) अदानचुलीको भेला तथा प्रशिक्षण कार्यक्रममा अन्य प्रदेश कमिटी सदस्य, जिल्ला कमिटी सदस्य, गाउँ कमिटीका सदस्य, महिला तथा नेताकार्यकताको उपस्थितमा बैठक सम्पन्न भएको जानकारी प्राप्त भएको छ । अदाचनुलीमा भएको भेलामा समसामयिक राजनीति, पार्टीको मार्गदर्शक सिद्धान्त लगायतका विषयमा छलफल भएको बताइएको छ ।

कार्यक्रमका प्रमुख अथिती रहनुभएका पोलीटव्युरो सदस्य शाहीले महिलालाई घरको काममा मात्रै होइन् अवसर दिएर वडादेखि गाउँपालिका र सदनसम्म पुर्याउन पार्टीगत होस् या संगठनरुपमा होस् सबैले एकताबद्ध हुनु पर्ने बताउनुभयो । शाहीले भन्नुभयो, महिलाले लिएका हरेक नेतृत्वमा इमान्दारी,अनुशासित र मर्यादित ढङ्गले आफ्नो जिम्मेवारी पुरा गरेका धेरै उदाहरण रहेको बताउनुभयो । यहाँका महिलाले पार्टीको होस् या समाजका हरेक कामका विषयमा आफुलाई अव्वल बनाउनु लैजानु पर्ने शाहीको भनाई थियो ।

यस्तै अखिल नेपाल महिला संघ (समाजवादी) अदानचुली गाउँ समितिको भेलाले चैत १५ र १६ गते अधिवेशन गर्ने समेत निर्यण गरेको छ ।