सिमकोट । हुम्लाको मध्ये भेगमा पर्ने सर्केगाड गाउँपालिका–४ दुल्लीमा ट्रकले ठक्कर दिदा एक वृद्धको मृत्यु भएको छ । सोमबार विहान ११ बजे कर्णाली कोरिडोरको बाटो भएर सदरमुकाम सिमकोट तर्फ आउँदै गरेको भे १ ख ३७६४ नम्बरको ट्रकले ठक्कर दिदा ७२ वर्षिय स्थानीय पानकला थापाको ज्यान गएको जिल्ला प्रहरी कार्यालय हुम्लाका प्रहरी नायव उपरिक्षक शंकर पोखरलले बताउनुभयो ।

मृतक थापा सकेगाड गाउँपालिका–४ दुल्ली गाउँकी भएको र ट्रकको ठक्करबाट थापाको मृत्यु भएको सर्केगाड पुष्टि गरेको बताइएको छ । घटनापछि आक्रोशित आफन्त र स्थानीयले कर्णाली करिडोरअन्तर्गत सर्केगाड खण्ड अवरुद्ध पारेका पारेका छन् । उक्त सडकखण्डमा आवागमन पूर्ण रूपमा ठप्प भएको जानकारी प्राप्त भएको छ । थानीयको आक्रोश र सडक अवरोधका कारण स्थितिलाई सामान्य बनाउन प्रहरीले पहल गरिरहेको जनाइएको छ ।