सिमकोट । हुम्लाको सिमकोट गाउँपालिका वडा ७ डाँडाफयाबाट काठ ल्याउदैँ गरेको ट्याक्टर आइतबार विहान दुर्घटना भएको छ ।

सिमकोटको लाग्ना नजिक वडा ७ डाँडाफयाको स्याल विसाउनी भन्ने स्थानमा लु ४ त ८२९३ नम्वरको ट्याक्टर दुर्घटनामा परेका जिल्ला प्रहरी कार्यालय हुम्लाले जानकारी दिएको छ ।

आईबार विहान १० बजेको समयमा वडा ७ को चौकाधाराबाट काठ बोकेर ल्याउदै गरेको अवस्थामा लाक्ना नजिक रहेको स्याल विसाउनीमा चिप्लीएर दुर्घटना भएको जिल्ला प्रहरी कार्यालय हुम्लाका प्रहरी नायव उपरिक्षक हेरम्व शर्माले बताए ।

उनका अनुसार टयाक्टर र्दुघटनामा परेको भएपनि मानविय क्षेती भने केही नभएको र ट्याक्टरमा भने पुर्ण रुपमा क्षेती पुगेको बताइएको छ । ट्याक्टर करीव दुई तिन सय मिटर तल पुगेको छ ।

ट्याक्टर चालकको अवस्था भने सामान्य रहेको प्रहरी स्रोतले जनाएको छ । उक्त ट्याक्टर सिमकोट गाउँपालिका वडा ३ बरगाउँका नुटुप लामाको रहेको बताइएको छ ।