नेपालचेक समाचारदाता बिहिबार, चैत्र १७, २०७८
सिमकोट । जीवन बिमाका क्षेत्रमा काम गर्दै आएको ज्योति लाईफ इन्सोरेन्स कम्पनीले बिमा साक्षरता अभियान सञ्चालन गरेको छ । शहर देखि गाउँसम्म ज्योति लाईफ, घरघरमा बिमा भन्ने उदेश्य लिएको कम्पनीले उक्त कार्यक्रम हुम्लामा सञ्चालन गरेको हो ।
अभिमुखीकरण कार्यक्रममा जीवन बिमाको उदेश्य, महत्व र यसका फाईदाका बारेमा सहजिकरण गरिएको थियो । त्यसैगरि कम्पनीद्धारा हाल सञ्चालन हुँदै आएका बिभिन्न बिमा योजनाहरुको वारेमा पनि सहभागीलाई जानकारी गरिएको थियो । कम्पनीद्धारा आफ्ना बिमितहरुलाई स्वास्थ्य सुबिधा अन्र्तगत पर्ने ३५ प्रकारका घातक रोग बिरुद्धको निशुल्क उपचार खर्च प्रदान गरिदै आएको बारेमा पनि जानकारी गरिएको थियो ।
बिमा अभियानलाई दुरदराजका बस्ती स्तरमा पुर्याउन बिमा साक्षरता अभियान सञ्चालन गर्नु परेको कम्पनीका नेपालगंज एरियाका एरिया सेल्स म्यानेजर मोहन माझीले बताए । दुुर्गममा बिमाको पहुँच निक्कै कम भएको कारण पनि यसलाई बिस्तार गर्न गाउँ गाउँमा यो अभियान जारी राख्ने कम्पनीको लक्ष रहेको उनले बताए । केही सहभागीले भने पहिलो पटक बिमाको बारेमा जानकारी पाएको पनि बताएका थिए । एक दिने कार्यक्रममा ८५ भन्दा बढी सर्बसाधारणहरुको सहभागीता रहेको थियो । कार्यक्रममा सुरक्षाकर्मी, बिधार्थी र अन्य सर्बसाधारणको सहभागिता रहेको थियो ।
