नेपालचेक समाचारदाता आइतबार, आषाढ २६, २०७९
सिमकोट । हुम्लाको सदरमुकाम सिमकोट तल्लो बजारमा रहेको खेलमैदानमा हुम्ला ऐकेडेमीले सरसफाई गरेको छ ।
पाँच दिनसम्म जिल्ला स्तरीय राष्ट्रपति रनिङ्ग शिल्ड प्रतियोगीता सञ्चालन भएर फोहोर भएको खेलमैदानलाई आइतबार विहान सरसफाई गरिएको हो । उक्त खेलमैदान सरसफाईमा आयोजक टिम लगायत अन्यको समेत ध्यान नजादा हुम्ला ऐकेडेमीले सरसफाई गरेको हो ।
ऐकेडेमीका अध्यक्ष विष्णु रावतको नेतृत्वमा उक्त खेलमैदानमा प्रशिक्षण गर्दै आएका बालबालिकाले सरसफाई गरेको जानकारी प्राप्त भएको छ । रावतले खेलमैदान सरसफाई गर्नु आफ्नो कर्तव्य,दाइत्व रहेको बताए । उनले भने केवल अरुको मुख ताक्ने हाम्रो बानी, खेलमैदान हामी सबैको हो । यसको सुरक्षा सरसफाई हाम्रो बर्तव्य हो ।
खेलमैदानमा फ्रुटी,चाउचाउ, चुरोट,सुर्ति लगायत अन्य फोहोर रहेको थियो भने त्यो सबै सरसफाई गरिएको हो ।
