सिमकोट । जिल्ला समन्वय समिती हुम्लाका उपप्रमुख दलु फडेरा (सन्जय)लाई पितृशोक परेको छ ।

समन्वय समिती हुम्लाका उपप्रमुख फडेराका बुवा मनबहादुर फडेराको शुक्रबार राती १ बजे ८० वर्षको उमेरमा निधन भएको हो । वैशाख २ गतेदेखि पेट सम्बन्धि समस्या भएर शुक्रबार राती मृत्युभएको हो । स्वर्गीय फडेराको शनिवार हिन्दु धर्म अनुसार दाह संस्कार गरिएको छ ।

स्वर्गिय फडेरा साविक वडा नम्बर सात कल्खे गाउँका दुई पटक गाउँ विकास समितीका वडाध्यक्ष समेत हुनु भएको हो । भने गाउँमै रहेको जनकल्याण आधारभूत विद्यालयको एक पटक विद्यालय व्यवस्थापन समितीका अध्यक्ष पनि हुनु भएको थियो । स्वगिर्य फडेरा गाउँमै रहेको मदनादेव देवताका धामी थिए ।

स्वगिर्य फडेराका पाँच छोरा रहेका छन् । समन्वय समिती उपप्रमुख फडेरा साइला छोरा (तेस्रो) सन्तान हुन् ।