सिमकोट । हुम्लामा गुडिरहेको ट्याक्टरबाट खस्दा एक जना महिलाको मृत्युभएको छ । आइतबार दिउँसो सिमकोट गाउँपालिका वडा नम्बर पाँचमा पर्ने हिल्दुमछडामा सिमकोट आउँदै गरेको ट्याक्टरबाट खस्दा एक महिला महिलाको मृत्यु भएको हो । खार्पुदोभानबाट सिमकोट आउँदै लु ४ त १४४९ नम्बरको ट्याक्टरबाट खस्दा सिमकोट गाउँपालिका–२ ठेहे गाउँकी ५५ वर्षिय नानी बोहराको मृत्यु भएको हो ।

ट्याक्टरबाट खसेर गम्भीर घाइतेभएर जिल्ला अस्पतालमा उपचारका क्रममा मृत्यु भएको जिल्ला अस्पतालका सिनियर अनमी सरीता बोहराले बताउनुभयो ।

घट्नास्थलबाट जिल्ला अस्पतालमा उपचारका लागि ल्याएपनि उपचार गर्दागर्दै अहिले साढे चार बजे बोहराको मृत्यु भएको अनमी बोहराले बताउनुभयो । मृतक बोहरालाई बाहिर चोट नभएपनि भित्रि शरिरमा चोट गम्भीर लागेको अनमी बोहराको भनाई थियो । ट्याक्टरबाट खसेको ठाउँमा ढुंगा हुन सक्ने र त्यसमा खसेर भेटमा गम्भीर चोट लागेर अहिले मृत्यु भएको उहाँले बताउनुभयो ।

ट्याक्टर र चालकलाई प्रहरीले अहिले नियन्त्रणमा लिएको जिल्ला प्रहरी कार्यालयका प्रहरी निरिक्षक नरेन्द्र चन्दले बताउनुभयो । के कति कारणले खस्नु भएको भन्ने बारेमा अहिले भन्न नसकिने र अहिले अनुसन्धान भइरहेको उहाँले बताउनुभयो ।