सिमकोट । हुम्लाको एक जना क्यान्सर पिडित बालकलाई उपचारमा आर्थिक अभाव भएको छ । सिमकोट गाउँपालिका वडा नम्बर आठ स्याडाका १० वर्षिय बालक दिपेश बुढा ट्युमर क्यान्सर रोगले ग्रशित हुँदा उपचारमा आर्थिक अभाव भएको आफन्तले बताउने गरेका छन् । ट्युमर क्यान्सर पिडित छोराको अप्रेशन गर्नु पर्ने भएकाले अप्रशनका लागि आर्थिक अभाव भएको बुवा बल बहादुर बुढाले गुनासो पोख्नुभयो । क्यान्सर पिडित दश वर्षिय बालकलाई अप्रेशनका लागि काठमाण्डौंमा पुर्याएपनि थप उपचारका लागि आर्थिक अभाव हुँदा अप्रेशन रोकिएको बुवाको गुनासो छ । छोराको उपचारका लागि सहयोगको अपिल गरेको सोही वडाका वडाध्यक्ष कमल बुढाले बताउनुभयो । वडाध्यक्ष बुढाका अनुसार बालकको अप्रेशन गर्नको लागी घरको आर्थिक अवस्था निकै कमजोर भएको हुँदा सहयोग रकम संकलन सुरु गरिएको बताउनुभयो । क्यान्सर पिडित बालकको अप्रेशनका लागि आइतबार पहिलो दिन रु ४३ हजार १५ रुपैयाँ संकलन भएको वडाध्यक्ष बुढाले बताउनुभयो । पिडित बालकको अप्रेशनका लागि सक्ने जति सक्दो सहयोग गरिदिन बुवाले आग्रह गर्नुभएको छ । क्यान्सर पिडित बालकलाई सहयोग गर्न इच्छुकले राष्ट्रिय बाणिज्य बैंकमा रहेको खाता नम्बर ४१९०१०००००५६८११८ मार्फत पनि सहयोग गर्न सकिने बताइएको छ ।