ऐटन रावल शुक्रबार, साउन २५, २०८१
सिमकोट । हुम्लाको खार्पुनाथ गाउँपालिका–३ राया गाउँको वनमा आएको बाढी पहिरोमा परी पचास वटा भेडा मरेका छन् ।
बुधबार दिउँसोदेखि हुम्लामा आएको अविलर वर्षाले राया गाउँका दुई जना स्थानीयको पचास वटा भेडा बाडी पहिरोमा परी मरेका छन् । बर्खायाम सुरु भएसँगै लेख तिरका उच्च भेडिगोठमा पाल्नका लागि राया गाउँको भित्त डुङ्सिल्या (कुड्या) भन्ने लेख लिएका भेडा मरेको बताइएको छ ।
उक्त वनमा चरिचरनका लागि लिएको दिउँसोको समयमा एकासि सुख्खा खोलाबाट अविरल वर्षा भए सँगै बाढि पहिरो आउँदा राया गाउँका धुन बोहराका २५ र अर्का स्थानीय सुरेन्द्र बोहराको २५ गरी पचासवटा भेडा मरेको पिडित सुरेन्द्र बोहराले बताउनुभयो ।
२५ वटा भेडा मरेसँगै चिन्ति बनाएको पिडित बोहराले गुनासो गर्नु पोख्नुभयो । बोहराले भन्नुभयो, “आफु लामो समदेखि भेडा व्यवसाय गर्दै आएको थिए । यहीँ व्यवसायबाट घरखर्चका साथै छोराछोरी पढाउदै आएको भएपनि एक्कासी आएको पहिरोमा परी भेडा मर्दा चिन्तित बनाएको दुखेसो गर्नुभयो । अविरल वर्षाले गर्दा आएको बाढी पहिरोमा परि मरेर नोक्सानी भएसँगै छोराछोरीलाई कसरी पढाउने भन्ने चिन्ता भएको बोहराले गुनासो गर्नुभयो । भेडाबाटै छोराछोरीको पठनपाठनका साथै घर खर्च समेत चल्दै आएको थियो ।”
भेडा बाढी पहिरोमा परी मरेसँगै आफ्नो गरी खाने रोजिरोटी समेत गुमेको बताउनुभयो । गाउकाँ मानिस गएर मरेका भेडाको खोज तलास र उद्धार गरेको बताइएको छ । हुम्लामा स्थानीय जातका भेडाको मूल्य रु तीस हजारमा विक्री हुँदै आएको उहाँले बताउनुभयो । पच्चीसवटा भेडा बाढी पहिरोमा परी मरेपछि रु सात लाख पचास हजार बराबरको क्षति भएको उहाँले बताउनुभयो । यस्तै अर्का धुन बोहराको पनि सोही अनुसार सात लाख पचास हजार बराबरको क्षति भएको बताइएको छ । दुई स्थानीयका पचासवटा भेडा मर्दा पन्ध्र लाख बराबरको क्षति भएको छ । यसअघि नै सदरमुकाम लगायतका गाउँमा लिएर विक्री गरेको भए यति ठूलो नोक्सानी व्यहोर्नु नपर्ने अर्का धुनले बताउनुभयो । हुम्लाका प्रतिभेडाको चालीस हजारसम्म मूल्य पर्ने गर्दछ ।
