सिमकोट । हुम्लाको सिमकोट गाउँपालिका–१ ठेहे गाउँका क्यान्सर पीडित धनबहादुर भण्डारी (हिमाल)लाई आर्थिक अभाव भएको छ । हाल काठमाण्डौँको थापाथली स्थित अस्पतालमा उपचार गराइ रहनु भएका क्यान्सर पीडित भण्डारीलाई यतिबेला उपचारमा आर्थिक अभाव भएको आफन्त बलीराज भण्डारीले बताउनुभयो । भण्डारीलाई कलेजोमा क्यान्सर भएका कारण उक्त रोगको उपचारका लागि आफन्तले आर्थिक सहयोगको याचना गरेका हुन् । घरको आर्थिक अवस्था समेत निकै कम हुनुका साथै क्यान्सर रोगको उपचारमा समस्या भएपछि भतिज बलीराजले सबैलाई सहयोग माग गर्नु भएको हो ।

क्यान्सर पीडित भण्डारी पूर्व जनमुक्ती सेनाका कम्पनी भिसी हुन् । शसस्त्र युद्धका क्रममा सुरक्षाकर्मीको गोली लागेर अपाङ्गता हुनु भएका भण्डारीको आर्थिक अवस्था निकै नै कमजोर हुनुका साथै उपचारमा बाधा पुगेको छ । तत्काल उपचार नभए ज्यान जाने जोखिम धेरै भएकोले आर्थिक सहयोगको याचना गर्नुपरेको भतिज बलिराजले बताउनुभयो ।

क्यान्स पीडित भण्डारीलाई आर्थिक सहयोग गर्न इच्छु सहयोगीहरुले राष्ट्रिय बाणिव्य बैकको ५१६०१००००४८०४०१० नम्बरको खातामा रकम जम्मा गरेर वा ९८६११५८४४७ नम्बरमा सम्पर्क गरेर सहयोग गरिदिन अनुरोध गरेका छन ।

उनले काकाको उपचारकालागि सहयोग गरिदिन सबै संग आग्रह गरेका छन । हिमालको औषधिको माध्यमबाट क्यान्सरलाई निर्मूल गर्न सर्किने चिकित्सकहरूले जानकारी गराएपछि आर्थिक सहयोग गरिदिन आग्रह गरेको छ ।